Lexova sot se në Slloveni rrogat e mësimdhënësve na qenkan bërë mbi 2500 € ndërsa sindikatat tona në kohët e parafushatave na paskan dalë në protesta.
Pajtohem me kërkesat e mësimdhënësve për ngritje pagash sepse pagat janë të ulëta ama jo protesta para zgjedhjeve… janë katër vite që duhet kërkuar rritje pagash…
Kosova sot është si kurrë më keq në lëminë e asaj që mban dhe ngrit shoqërinë ,fjala është për sistemin arsimor.
*Duhet të depolitizohen shkollat tona.
*Kontrata kolektive e ka vendin e vetë dhe ajo duhet të zbatohet e jo MASHTI të luaj me përsonalitetin e mësuesve…
*Ministria duhet të planifikoj nëse arsimtarit i jep pagë të dinjitetshme atëherë duhet me plotë të drejtë të kërkojë cilësinë.
*Ministria e arsimit duhet t’mos lejoj mësimdhënësit të trokasin nëpër dyert e avokatëve.
*Ministria e arsimit duhet të largoj shkumsat e bardhë nga duart e mësimdhënësve.
*Ministria e arsimit duhet të pajisë shkollat me lektura shkollore e jo me broshura mbi edukatën…
*Ministria e arsimit nuk duhet nënshkruar kontrata nëpër fushata e parafushata pastaj të fle në gjumë.
*Ministria duhet të digjitalizoj shkollat e jo të bëjë llafe të kota
Të bashkohen sindikatë e ministri,të mendojnë ta ngrisin cilësinë në arsim sepse e kemi obligim moral e kombëtar për gjeneratat që vinë pas nesh…
Të bëhemi një që të jemi shembulli i mirë i ngritjes profesionale sepse mjaft jemi keq edhe pse pas lufte Kosova na është mbushur me tituj shkencor por realisht më pak njohës të mirë të lëmive që diplomat i mbajnë në sirtarë!
Nuk është koha e protestave por koha e përmbushjes së kërkesave të atyre që u takojnë e që çdo ditë gjenden para gjeneratave që nesër do të jenë në krye të shtetit.
Zoti e bekoftë shkollën shqipe…!
*Maliq Fetahu-mësimdhënës.
