Shkolla “Hamit Sejdiu” në Kërpmieh është ndoshta e vetmja shkollë në Kosovë që ua dedikon nga një shkrim mësimdhënësve të saj.
Ajo së fundmi ka prezantuar a rsimtaren e Gjuhës dhe Letërsisë Shqipe, Magbule Mehmeti – Hoxha, shkruan AlbanianEducation.net.
Postimi i shkollës:
Mësimdhënia jo vetëm profesion!
Ju prezantojmë me arsimtaren e Gjuhës dhe Letërsisë Shqipe
Magbule Mehmeti – Hoxha!
U lind në fshatin Gllamnik. Shkollën fillore e kreu në vendlindje, të mesmen në Podujevë e më pas edhe në Prishtinë.
Diplomoi në Fakultetin e Edukimit, drejtimi Gjuhë Shqipe dhe Letërsi.
Punën në arsim e filloi në shtator të vitit 1996, në Kërpimeh. Aktualisht punon si arsimtare e Gjuhës Shqipe dhe Letërsisë në paralelen e ndarë në Pakashticë.
Përveç punës edukativo-arsimore, është e angazhuar edhe në organizimin e aktiviteteve të ndryshme kulturo-letrare me nxënës të shkollës tonë!
