Luana Hoti nga Ratkoci i Rahovecit diplomon në Zvicër

Luana Hoti, me prejardhje nga fshati Ratkoc i Rahovecit, ka përmbyllur me sukses studimet e saj në Freiburg të Zvicrës, duke shënuar një arritje të rëndësishme në rrugëtimin e saj akademik, shkruan AlbanianEducation.net.

Lajmi është bërë i ditur nga faqja e fshatit Ratkoc, e cila ka uruar Luanën për këtë sukses, duke e cilësuar atë si një arsye krenarie për familjen dhe vendlindjen.

“Përgëzime Luanës dhe të gjithë të rinjve nga Ratkoci. Ju dëshirojmë shëndet dhe suksese kudo që ndodheni”, thuhet në urimin e publikuar.

Ky sukses dëshmon edhe një herë potencialin dhe përkushtimin e të rinjve nga diaspora, të cilët po arrijnë rezultate të rëndësishme në institucionet arsimore ndërkombëtare.