Dean Çelaj është shqiptari i vetëm që është renditur mes 30 njerëzve më të suksesshëm dhe me influencë ndërkombëtare nën 30 vjeç gjatë vitit 2022. Kjo listë u publikua në revistën Forbes.
Çelaj është krijues i shumë projekteve teknologjike ndërkombëtare në bashkëpunim me universitetin e Harvardit. Ai themeloi platformën Akademi.al në vitin 2019 në një përpjekje për të përmirësuar sistemin arsimor në Shqipëri.
Çelaj publikon në platformën e Akademi.al video leksione të cila nxënësit dhe studentët mund t’i ndjekin falas. Ai nënshkroi kontrata me qeverinë shqiptare, kosovare dhe të Maqedonisë së Veriut që Akademi.al të bëhet platforma zyrtare e mësimit në distance në periudhën kur pandemia e Covid goditi botën për herë të parë në 2020-ën, shkruan Forbes.
Forbes është një revistë nga Shtetet e Bashkuara të Amerikës. Ajo është e njohur për prezantimin e listave te pasanikeve më të mëdhenj te botës.
