Intervistoi: Donat Maloku
Është 13-vjeçare, por ka disa talente. Për zemër e ka muzikën, kurse merret me pikturë. Thotë se kënga i fle në zemër dhe kur të rritet synon të bëhet një këngëtare.
Fjala është për Linda Demirin, nga Gostivari. Ajo në një intervistë për “Kids of Kosova” (www.kidsofkosova.net) flet për aktivitetet e saj të deritanishme dhe sigurisht ëndrrat që synon t’i realizojë kur të rritet…
Kids of Kosova: Një prezantim, nga jeni, sa vjeçar jeni, ku vijoni mësimet?
Lina Demiri: Jam 13 vjeçare, vijojë mësimet në kolegjin “Yayha Kemal” në Tetovë.
Kids of Kosova: Në cilin moshë keni filluar të merreni me muzikë? Kush e zbuloi talentin?
Lina Demiri: Që nga mosha 5 vjeçare merremi me muzikë, talentin tim e zbuloi kompozitori im i parë Taulant Kolonja .
Kids of Kosova: Në çfarë festival keni marrë pjesë dhe çfarë çmime keni fituar?
Linda Demiri: Kam marrë pjesë në shumë festivale brenda dhe jashtë vendit, çmimi i parë të cilën e mori ishte ai i publikut, pastaj rrugëtimi ka qenë plotë suksese duke rrëmbyer çmime të para, grand prix çmime të dyta dhe të treta.
Festivali i parë që i dha mundësi të përformojë live ishte feativali i Shkodrës, ku fitova vendin e 3-të edhe pse konkurrenca ishte shumë e madhe dhe kishte fëmijë shumë të talentuar.
Në Kosovë vendin e parë, në Ferizaj -Grand Prix, kam fituar edhe shumë ftesa nga shtete të ndryshme. Në Romë të Italisë mora vendin e parë, dhe dy t ëdyta, në Rumani vendin e dytë, në Malta poashtu vendin e dytë, në Word Association arrita në finale nga 110 shtete , në Bullgari vendin e parë, në Itali poashtu vendin e parë dhe të tretin në Poloni vendin e pare, në Monaco vendin e pare, Lituani vendin e dytë dhe për vitin 2021 jam e ftuar speciale me akomodim dhe pjesëmarrje falas SHBA ku jemi në pritje të rezultateve.
Deri tani kam fituar 50 çmime dhe ftesa ndërkombëtare , këngë të kompozuara nga kompozitorë të njohur siç është Alfred Kaçinari, Ylli Kalaja, Taulant Kolonja, Arta Haziri Nuhiu, Naser Dula, Hysni Klinaku e shumë të tjerë.
Kam 10 këngë për fëmijë, kurse tani interpretojë këngë të huaja botërore dhe ato shqiptare. Festivali i fundit tani që mora pjesë është në Ferizaj në kategorinë live dhe u shpërbleva me vendin e dytë.
Kids of Kosova: A synoni të merreni me muzikë edhe kur të rriteni?
Linda Demiri: Patjetër, muzika është bërë më pjesë e pandashme për mua. Unë vazhdojë edhe në shkollën e muzikës jam në klasë të shtatë për violin, po kënga më flenë në zemër.
Kids of Kosova: Po me aktivitete tjera a merreni?
Linda Demiri: Unë merrem me shumë aktivitete, kënga e para, pastaj piktura dhe violina, por pa harruar përkushtimin tim në mësime.
Kids of Kosova: Cili është mesazhi juaj për bashkëmoshatarët tuaj?
Linda Demiri: Le të jetë një mesazh për bashkëmoshatarët e mi që të merren me diçka të bukur se unë, pa hezitim i arrijnë të gjitha.
Faleminderit shumë për kohën që ndani dhe mundësinë që na jepni.
Lina duke kënduar, video e dërguar enkas për Kids of Kosova:
(Kids of Kosova)
