Presidentja e Kosovës, Vjosa Osmani ka dekretuar Ligjin për Paga në Sektorin Publik, më 4 janar.
Ligji është publikuar edhe në Gazetën Zyrtare, por ende nuk dihet se kur do të caktohet vlera e koeficientit.
Megjithatë ajo që dihet është se koeficientin më të lartë do ta ketë presidentja e vendit, Vjosa Osmani.
Koeficienti i shefes së shtetit do të jetë 18.0, për të vijuar më pas më kryetarin/kryetaren e Gjykatës Kushtetuese, 17.5, kryetarin e Kuvendit, 17, kryeministrin 17 dhe kategori të tjera që mund t’i shihni në fotografinë më poshtë.
Kurti thotë se vlera e koeficientit do të caktohet këtë muaj, nuk tregon datë
Kryeministrit Albin Kurti ka paralajmëruar se vlera do të caktohet këtë muaji, por nuk ka përmendur datë.
“Kemi marrë kohë më shumë se që është dashur. Duke pas parasysh përvojën e parë që herën e parë na u hodh poshtë, nuk kemi dashur të nxitohemi. 745 milionë euro është totali. Për ne, pikënisja është tërësia, jo pjesa, jo elementi. Nuk e kemi pas si pikënisje vlerën e koeficientit, por si tërësi. Në janar do të vendoset vlera e koeficientit.” – kishte thënë ai.
Veç kësaj, ai kishte shtuar i njëjti, mund të hyjë në fuqi që nga 1 shkurti i vitit 2023.
“Nuk mund ta përcaktojmë koeficientin me Ligjin e Pagave, por me buxhet. Po kërkoj pak durim prej juve, saktësisht në janar të vitit 2023″, kishte deklaruar Kurti.
Ministrja Haxhiu nuk e mohon mundësinë që koeficienti të jetë nën 120 euro
Ndërsa kryeministri Kurti nuk e ka treguar vlerën e koeficientit, ministrja e Drejtësisë, Albulena Haxhiu e pyetur se a mund të jetë vlera nën 120 euro, nuk e ka përjashtuar një gjë të tillë.
“Ende nuk dihet sa do të jetë koeficienti, sepse është duke u bërë kategorizimi i vendeve të punës”, ka shkruar ministrja e Drejtësisë.
Ligji i Pagave: Albulena Haxhiu nuk e mohon mundësinë që koeficienti të jetë nën 120 euro
