Zyrtarët publikë po e presin me ankth zbatimin e Ligjit për Pagat.
5 shkurt është dat kur do të fillojë zbatimi i këtij ligji, por askush prej zyrtarëve publikë nuk e di se sa do ta ketë pagën pasi ende nuk dihet vlera e koeficientit.
Dy institucione deri tash, kanë paraqitur kërkesë të Avokati i Popullit, për t’a referuar ligjin, në Gjykatë Kushtetuese, çka do të thoshte se, ligji do të pezullohej, deri në një vendim të gjykatës.
Ato janë Këshilli Prokurorial e Instituti i Kosovës për Drejtësi, që konsiderojnë se në Ligjin e shumë përfolur, ka shkelje kushtetuese.
Ndërsa partia Aleanca për Ardhmërinë e Kosovës ka paralajmëruar se do ta dërgojë Ligjin në Kushtetuese nëse vlera e koeficientit është nën 129 euro.
Ligji është votuar në dy leximet në Kuvend e është publikuar edhe në Gazetën Zyrtare, por ende nuk dihet se kur do të caktohet vlera e koeficientit.
Kryeministrit Albin Kurti ka paralajmëruar se vlera do të caktohet këtë muaji, por nuk ka përmendur datë.
Edhe një ditë kanë mbetur për ta mbajtur Qeveria premtimin e saj për bërjen publik të vlerës së koeficientit. Mbetet të shihet nëse kjo do të ndodhë nesër e martë 31 janar.
Albanian Kids Education
