Presidentja Vjosa Osmani ka dekretuar më 4 janar Ligjin e Pagave.
Pas dekretimit nga presidentja, ligji është publikuar në gazetën zyrtare dhe një muaj më pas hyn në fuqi.
Por enigmë mbetet se sa do të jetë vlera e koeficientit, çka të punësuarit në sektorin publik do ta kuptonin sa do të jetë nga shkurti paga e tyre.
E ministrja e Drejtësisë, Albulena Haxhiu është pyetur për vlerën e koeficientit nëse do të jetë mbi apo më pas se 120 euro, por ka thënë se ende nuk dihet, duke mos përjashtuar kështu mundësinë që të jetë edhe më pas se vlera prej 120 euro.
“Ende nuk dihet sa do të jetë koeficienti, sepse është duke u bërë kategorizimi i vendeve të punës”, ka shkruar ministrja e Drejtësisë.
Projektligji për Paga është miratuar në Kuvendin e Kosovës me 22 dhjetor të vitit të kaluar.
