Në kuadër të aktiviteteve edukative dhe argëtuese, shkolla “Mehmet Gjevori” në Prishtinë mirëpriti përfaqësuesit e kinemasë Cineplexx, të cilët zhvilluan një ligjëratë të veçantë për nxënësit e klasave të katërta.
Ky bashkëpunim solli një atmosferë të ngrohtë dhe frymëzuese, duke i njohur nxënësit më afër me botën e filmit dhe rëndësinë e tij në kulturë dhe shoqëri.
Nxënësit fituan edhe bileta falas.
Lexoni postimin e plotë të shkollës:
Sot në shkollën tonë klasët e katërta patën një aktivitet të veçantë – një ligjëratë në bashkëpunim me kinemanë CINEPLEXX.
Përfaqësuesit e kinemasë erdhën për të folur me nxënësit rreth rëndësisë së filmit dhe artit.
Pas ligjëratës, u organizua edhe një lojë e shkurtër, ku disa nxënës patën mundësinë të fitojnë bileta falas për kinema.
Pesë prej tyre fituan bileta dhe u gëzuan shumë. Ishte një përvojë e këndshme dhe ndryshe nga dita e zakonshme në shkollë.
🎟️ Urime fituesve! Një ditë që solli buzëqeshje, njohuri dhe argëtim për nxënësit tanë!
*Fotografimi dhe incizimi i videove të nxënësve është lejuar nga Drejtoria e shkollës, në pajtim me marrëveshjen e arritur me prindërit.
