Libri më i mirë studimor “Tri format e mendimit” nga Arben Imami u vlerësua me cmimin e parë në panairin e librit.
Në një lidhje nga panairi me emisionin ‘Review’ në Euronews Albania, imami tha se çmimi ishte i papritur për të, por i mirëpritur.
Teksa prezanton një libër akademik, me nuanca filozofike, Imami pranoi faktin se libri i tij nuk mund të lexohet nga kushdo.
Ish-aktori dhe politikani theksoi se ka bërë gjithçka që libri të jetë i lexueshëm, gjerësisht tek lexues me një nivel të caktuar intelektual.
“Nuk pres të bëj para me këtë libër, nuk është libër që merret në plazh, është një libër për një intelektual që do të thellohet në disa pyetje themelore, fokusi është akademik”, tha Imami, teksa komentoi çmimin e librit, që kushton 50 mijë lekë të vjetra.
