Në shkollën SHFMU Ibrahim Mazreku u mbajt promovimi i dy librave me poezi, “Trung lirie” të nxënëses Leonita B. Krasniqi dhe “Zëri i zemrës sime” të nxënëses Jara B. Hoti, në prani të mësimdhënësve, prindërve, nxënësve dhe mysafirëve të ftuar.
Në këtë aktivitet morën pjesë mësimdhënës, prindër, nxënës dhe mysafirë të ftuar, ndërsa fjalë rasti mbajti drejtoresha e shkollës, Rrezartë Mazreku Kastrati, e cila vlerësoi përkushtimin dhe talentin e autoreve të reja, si dhe rëndësinë e mbështetjes së krijimtarisë letrare te nxënësit.
Ndërkaq, mësimdhënësi i gjuhës shqipe dhe redaktori i botimeve, Hamdi Mazreku, foli për rëndësinë e leximit dhe zhvillimit të talentit artistik te gjeneratat e reja.
Aktiviteti u pasurua edhe me interpretimin e poezive nga bashkëmoshatarët e Leonitës dhe Jarës, të cilët prezantuan me emocion krijimet e autoreve të reja.
Postimi i shkollës “Hamdi Berisha”:
Sot në shkollën tonë u mbajt promovimi i dy librave me poezi, “Trung lirie” të nxënëses Leonita B. Krasniqi dhe “Zëri i zemrës sime” të nxënëses Jara B. Hoti.
Ky aktivitet ishte një moment i veçantë krenarie dhe emocioni për shkollën tonë, pasi edhe një herë u dëshmua talenti, kreativiteti dhe dashuria që nxënësit tanë kanë për letërsinë dhe krijimtarinë artistike. Librat e promovuar sot janë rezultat i punës, përkushtimit dhe frymëzimit të nxënëseve tona të talentuara, të cilat përmes poezisë sollën para të pranishmëve botën e tyre shpirtërore dhe ndjenjat më të bukura.
Në kuadër të aktivitetit, fjalë rasti mbajti drejtoresha e shkollës sonë, Rrezartë Mazreku Kastrati, e cila vlerësoi punën, talentin dhe përkushtimin e nxënëseve tona, si dhe rëndësinë e mbështetjes së krijimtarisë letrare te nxënësit.
Po ashtu, fjalim mbajti edhe mësimdhënësi i lëndës së gjuhës shqipe, z. Hamdi Mazreku, në cilësinë e redaktorit dhe lektorit të këtyre botimeve, duke vlerësuar rëndësinë e leximit, krijimtarisë dhe zhvillimit të talentit te gjeneratat e reja.
Aktiviteti u pasurua edhe me interpretimin e poezive nga shokët dhe shoqet e klasës së Leonitës dhe Jarës, të cilët me shumë emocion dhe përkushtim prezantuan krijimet e autoreve të reja.
Një falënderim i sinqertë shkon për të gjithë mësimdhënësit e shkollës sonë për mbështetjen dhe përkushtimin e vazhdueshëm ndaj nxënësve, si dhe për familjet e Leonitës dhe Jarës, të cilat kanë qenë mbështetje e rëndësishme në rrugëtimin dhe zhvillimin e talentit të tyre.
Aktivitetin tonë e begatuan me praninë e tyre edhe aktori i mirënjohur Avni Hoti dhe nëna e dëshmorit Avni Buçaj, znj. Mendohije Buçaj, të cilët me praninë e tyre i dhanë vlerë të veçantë këtij promovimi.
Falënderojmë prindërit, mysafirët dhe të gjithë pjesëmarrësit që ishin pjesë e këtij momenti të rëndësishëm për shkollën tonë.
Krenarë me nxënësit tanë dhe me sukseset e tyre!
