Lekë Hajdardaj, drejtori i shkollës “Ardhmëria” në fshatin Ramoc të Gjakovës, është i intervistuari i radhës nga AlbanianEducation.net. Ai në këtë intervistë flet për shkollën që drejton, cilësinë në mësimdhënie, për testimin apo jo të mësimdhënësve, e shumë çështje të tjera.
Lexoni të plotë intervistën me Lekë Hajdardaj, drejtori i shkollës “Ardhmëria” në Ramoc:
Një CV tuajën që të ju njohin më shumë lexuesit tonë?
Unë jam Lekë Hajdaraj,jam gjenerata parë e diplomuar në Fakultetin e Edukimit, programi fillor, dega në Gjakovë si dhe Magjistër i Pedagogjisë.
Kam qenë mësimdhënës dhe drejtor shkolle në shkollën “Dëshmorët e Dushkajës”, në Bardhaniq.
Aktualisht jam drejtor i shkollës “Ardhmëria”, në Ramoc, ku kam implementuar projekte për zhvillimin profesional të stafit dhe rritjen e angazhimin e komunitetit në jetën shkollore.
Gjatë këtyre viteve nën udhëheqjen time shkolla ka shënuar rritje në numër të nxënësve, bashkëpunimit dhe ngritjen e cilësis në mësimdhënie dhe mësimnxënie.
Cilat janë projektet që keni realizuar që nga marrja e detyrë së drejtorit?
Që nga marrja e detyrës si drejtor i shkollës “Ardhmëria” në Ramoc, prioritetet e punëve që duhet të bëheshin në fillimet i mija ishin të shumta andaj fillova me rregullimin e ambinetit të brendshëm, ambinetit të jashtëm të infrastrukturës shkollore, pastrimin rregullimin dhe nivelizimin e oborrit të shkollës i cili ka qenë në gjendje shumë të keqe, mbjelljen e pemëve dekorative, fushën sportive, parkingun, mjetet e konkretizimit të cilat ishin të domosdoshme dhe shumë të nevojshme dhe që tani janë mjaft të përdorura për një mësimdhënie e mësimnxënie cilësore e efektive.
Sipas jush si duhet të ngritet cilësia në shkolla?
Që të ketë cilësi në shkolla mendoj që duhet të punohet sipas planifikimeve te bëra e të mirëplanfikuara, duke përmirsuar metoda mësimore aty ku ka nevojë, trajnimi dhe motivimi i mësuesve, përshtatja e kurrikulës me nevojat e kohës, monitorimi dhe vlerësimi i performancës si dhe zhvillimi i mbështjetjes psikologjike dhe sociale për nxënësit.
A ka shkolla juaj mësues mbështetës dhe asistent për nxënësit me nevoja të veçanta?
Fëmijët me nevoja të veçanta i kanë specifikat e tyre dhe kërkojnë qasje e punë individuale, por që në mungesë të mësuesve mbeshtetës dhe asistentëve në shkollën tonë këtë vit ishte e domosdoshme që të kemi të punësuar të kësaj fushe, por që rritja e numrit të nxënësve me nevoja te veçanta e ka bërë të pa mundur që të ketë mësimdhënës mbeshtetës aty ku ka nevojë nëpër disa shkolla ne regjionin e Gjakovës.
Sipas informacioneve zyrtare vetëm këtë vit në komunën e Gjakovës janë mbi 170 raste të fëmijëve me nevoja të veçanta e që është e pamundur për momentin të ofrohet asistenca dhe kujdesi që ata kërkojnë.
Si është bashkëpunimi prindër – shkollë?
Bazuar në përvojat e mija si mësimdhënës dhe drejtor është e domosdoshme që çdo shkollë ta ketë bashkëpunimin me prindër, përveç që është obligim ligjor, dhe që sukseset e shkollës arrihen nëpërmjet bashkëpunimit të ngushtë me prindër.
Për sa i përket pjesëmarrjes dhe bashkëpunimit me prindër e kemi të shkëlqyer dhe shfrytëzoj rastin t’i falenderoj për kontributin e tyre të vazhdueshëm si miq dhe dashamirë të shkollës.
Cila është sfida kryesore në shkollën tuaj aktualisht?
Ndër sfidat më të madha e kryesore të shkollës sonë për momentin janë furnizimi me banka dhe karrika që janë një nevojë urgjente si dhe kabineti i shkencave të natyrës është i domosdoshëm për të zhvilluar në praktikë njësit mësimore.
Po, dy-tri fjalë për stafin e shkollës tuaj…?
Shkolla jonë ka një staf të shkëlqyer, të cilët mbajnë takime të rregullta i kryejnë punët dhe përgjegjësit që u takojnë, duke realizuar aktivitete të shumta jashëkurrikulare, projekte, etj.
Mbështjetja ndaj njëri tjetrit si dhe shkëmbimi i praktik ave të suksesshme në mes mësimdhënësve është arritur që të krijojnë një ambient motivues dhe kreativ për fëmijët.
Sa mbahen trajnime në shkollën tuaj?
Përveq disa trajnimeve që janë organizuar dhe mbajtur nga MASHT dhe SBASHK-u, është panifikuar po ashtu që të ketë këshillim dhe monitorim në mes të kolegëve.
A duhet të testohen sipas jush mësimdhënësit apo jo?
Bazuar në vlerësimet e mija në shkollën “Ardhmëria”, konsideroj se shkolla jonë qëndron mirë dhe nuk e shoh të nevojshëm testimin e tyre, sepse puna e tyre është mjaft produktive, por që gjithmonë duhet të kërkojmë dhe hulumtojmë më të mirën për të punar dhe avancuar ata me trajnime e me çfare e kërkon koha që të avancohen për një mësimdhënie profesionale për punë të sukseshme.
© AlbanianEducation.net – Të gjitha të drejtat e rezervuara
