Juristi, Abdullah Klinaku ka bërë të ditur se Komuna e Gjakovës e ka larguar fotografinë që ndalonte hyrjen në shkollë të vajzave me shami.
Klinaku ka thënë se presion duhet të vazhdohet edhe te Ministria e Arsimit për shfuqizimin e udhëzimin administrativ që ndalon bartjen e shamisë nga nxënëset.
Shkrimi i plotë i Klinakut
Të dashur,
Pas sensibilizimit dhe publikimit të skandalit me fotografi që ndalon hyrjen në shkollë të vajzave me shami dhe personave me armë, si dhe reagimit të njerëzve që e duan këtë vend dhe këtë Komb në Emër të Zotit, ka reaguar pushteti lokal në Gjakovë dhe e ka larguar!
Për gjithë këtë Zoti i shpërbleftë punë mirët e kësaj çështjeje, ata që komunikuan direkt me pushtetin lokal në Gjakovë dhe të gjithë ata që u bënë shkaktar të largohet kjo vepër e shëmtuar.
Ndërsa mos ta harrojmë presionin që duhet ta vazhdojmë te Ministria e Arsimit për shfuqizimin e këtij udhëzimi që na ka mërzitë për më shumë se 10 vite.
Shumë selam
