Ministrja e Arsimit, Arbërie Nagavci, ka njoftuar se kanë promovuar lansimin e doracakut “Ndërkulturalizmi në Arsim”, një instrument tejet i dobishëm për të gjitha shkollat tona.
Sot në MASHTI promovuam lansimin e doracakut “Ndërkulturalizmi në Arsim”, një instrument tejet i dobishëm për të gjitha shkollat tona.
✏️I hartuar nga mësimdhënësit për mësimdhënësit, ky doracak ushqen respektin, tolerancën, besimin dhe vlera të tjera universale njerëzore që na bashkojnë, duke ofruar bazën teorike dhe praktikat e duhura për të realizuar konceptin e ndërkulturalizmit në fushën e arsimit në Kosovë.
🤝Kosova është shembull i multikulturës dhe multigjuhësisë, pra i një shoqërie vitale me kapacitete të shumta dhe me perspektivë të hapur.
🗣️Ky është hapi i radhës në punën tonë drejt fuqizimit të dialogut ndëretnik në shkolla, duke u bazuar në respektin për diversitetin si vlerë në Kosovë dhe në gjithë botën.
🖇️Doracaku “Ndërkulturalizmi në Arsim” është fryt i punës së Divizionit për Kurrikula dhe Tekste në MASHTI, në bashkëpunim me mësimdhënës nga komunitete të ndryshme në Kosovë dhe Qendrës ‘Nansen’ nga Shkupi, me mbështetjen e vyer nga OSBE.
Faleminderit të gjithëve për kontributin e madh për një kauzë të madhe!
