Ministri i financave, Hekuran Murati la të kuptohet se s’do të ketë paga të muajit shtator për mësimdhënësit grevistë, ndërsa ministrja e arsimit në një ese të botuar për Ditën Ndërkombëtare të Mësuesit nuk e tha asnjë fjalë për pagat.
Në anën tjetër SBAShK-u ka paralajmëruar se presin në ora 16:00 që t’u procedohen pagat në ç’kohë edhe kanë caktuar mbledhje.
Reshit Kukaj i ka thënë portalit të lajmeve Telegrafi se në rast të mosprocedimit të pagave për mësimdhënësit grevistë “në takimin e anëtarësisë diskutojmë me udhëheqësit sindikalë se si do të veprojmë tutje”.
Ministri Murati ka thënë se “do të veprohet në bazë të ligjit” në lidhje me pagesat e grevistëve, ndonëse edhe administrata ka grevuar bashkë me mësimdhënësit, por vetëm këta të fundit nuk kanë pranuar pagën mujore.
Opozita e ka denoncuar si të padrejtë dhe të pandërgjegjshme mosprocedimit e pagave për mësimdhënësit, si dhe e kanë quajtur zbatim selektiv të ligjit, e cila sipas tyre, është ndëshim i mësimdhënësve.
Kreu i SBAShK-ut, Rrahman Jasharaj, ka thënë se në rast të mosprocedimit të pagave, mund të kthehen sërish në grevë.
Kryeministri i Kosovës, Albin Kurti, ka thënë se nuk mund të ketë paga për punën që nuk bëhet, derisa është thirrur në Ligjin për Greva.
Palët thirren në dy ligje të cilat i kundërvihen njëra-tjetrës, ku njëra thotë se punëdhënësi nuk i detyrohet pagë grevistëve, tjetra thotë se punëdhënësi nuk mund t’i vendos ndëshkime materiale grevistit.
Çështja e leximit dhe interpretimit të ligjit është bërë mollë sherri mas palëve.
Kryeministri i Kosovës, Albin Kurti, më parë kishte mbështetur të njëtjën sindikatë të arsimit, ndërsa kohëve të fundit i ka quajtur sindikata të PAN-it, duke iu referuar koalicionit të vitit 2017-2019 të qeverisë Haradinaj.
