Ministrja e Arsimit, Arbërie Nagavci, ka takuar dje kordinatorët e cilësisë në shkollat e komunës së Gjakovës.
Nagavci ka njoftuar se me ta ka diskutuar bashkë për fushatën dhe zbatimin e politikave kundër dhunës në shkolla, shkruan Albanian Education.
Njoftimi i plotë:
“Të gjithë së bashku për shkollën miqësore”
Në kuadër të fushatës njëmujore sensibilizuese kundër dhunës në shkolla, takova sot kordinatorët e cilësisë në shkollat e komunës së Gjakovës. Diskutuam bashkë për fushatën dhe zbatimin e politikave kundër dhunës në shkolla.
Faktori më i rëndësishëm në këtë drejtim vazhdojnë të mbesin mësimdhënësit dhe ata që punojnë drejtpërdrejtë me fëmijët andaj, kërkova angazhimin e të gjithëve në mënyrë që të avancohet çështja e sigurisë të fëmijëve.
Takova dhe një grup të nxënësve në shkollën “Këlmend Rizvanolli” me të cilët bashkëbiseduam për format e ndryshme të dhunës, raportimin e tyre, pasojat që sjellë çdo mënyrë e dhunës në zhvillimin e fëmijëve.
Qeveria tashmë ka ndarë buxhetin për rritjen e numrit të psikologëve në shkolla, andaj uroi që komunat ta trajtojnë këtë çështje me seriozitet duke shpallur konkurset e duke mos pranuar kuadër tjetër për pozitat e lejuara për psikologë.
