Presidentja e Kosovës, Vjosa Osmani ka dekretuar Ligjin për Paga në Sektorin Publik, gjatë ditës së mërkurë, pra më 4 janar.
Kjo është konfirmuar nga këshilltari për media, Bekim Kupina, i cili tha se ligji u pranua për shpallje, po ashtu, sot.
“Zyra e Presidentes ka pranuar për shpallje, Ligjin Nr. 08/L-196 për Pagat në Sektorin Publik, sot, më 4 janar 2023. Pas analizave ligjore nga Zyra e Presidentes, Presidentja Osmani e ka dekretuar shpalljen e Ligjit për Pagat në Sektorin Publik, po sot, më 4 janar 2023.” – ka thënë ai.
Ndërkohë, Ligji për Paga që u miratua në muajin dhjetor të vitit 2022 në Kuvendin e Kosovës, kishte shkaktuar reagime të shumta, pasiqë ende nuk dihet koeficienti.
85 deputetë ishin të pranishëm në sallë nga ta 63 votuan për Projektligjin për Paga.
“64 deputetë kanë votuar 63 për asnjë kundër dhe një abstenim, miratohet Projektligji për Paga në Sektorin Publik.” – kishte thënë kryetari i Kuvendit, Glauk Konjufca.
Partitë opozitare ndërkaq, nuk kishin marrë pjesë fare në votim.
