Drejtori i Arsimit në Prishtinë, Samir Shahini, ka njoftuar se me mbështetjen e Bankës Gjermane për Zhvillim – KfW, po hyjnë në fazën përgatitore për renovimin e plotë të dy shkollave më të mëdha në Prishtinë – “Ismail Qemali” dhe “Hasan Prishtina”, shkruan AlbanianEducation.net.
Njoftimi i tij i plotë:
SUPER LAJM për Prishtinën dhe arsimin në Kryeqytet!
📢 Me kënaqësi ndajmë një lajm shumë të mirëpritur për komunitetin tonë arsimor:
Me mbështetjen e Bankës Gjermane për Zhvillim – KfW, po hyjmë në fazën përgatitore për renovimin e plotë të dy shkollave më të mëdha në Prishtinë – “Ismail Qemali” dhe “Hasan Prishtina”🏢🛠.
Këto dy objekte arsimore kanë nevojë të madhe për ndërhyrje tash e sa kohë, dhe investimi i ardhshëm do të sjellë ndërtesa më funksionale, efikase në energji dhe me kushte shumë më të mira për nxënësit dhe mësimdhënësit.
Sot vizituam shkollën “Ismail Qemali” për të vlerësuar nga afër gjendjen dhe për të koordinuar përgatitjet finale.
🔜 Renovimeve që pritet të nisin në pranverën e vitit të ardhshëm, do t’u paraprij një ri-organizim i përkohshëm i gjithë kësaj zone të kryeqytetit, në bashkëpunim të ngushtë me komunitetin dhe menaxhmentin e shkollave, në mënyrë që punimet mos të mbajnë nxënësit asnjë ditë të larg bankave shkollore.
