Në vazhdën e projekteve që kanë për qëllim përmirësimin e krijimin e kushteve nëpër shkolla, por edhe sigurisë së objekteve, në shkollën e mesme të lartë në Pozheran “Kongresi i Manastirit”, ka filluar projekti i rrethojës së oborrit të kësaj shkolle.
Kryetari i Komunës së Vitisë Sokol Haliti, gjatë vizitës që ka bërë punimeve që janë duke u kryer, ka thënë se do të vazhdohet edhe më tutje me investimet në shkollat e komunës në mënyrë që kushtet për nxënësit dhe personelin arsimor të përmirësohen dukshëm.
“Janë realizuar një sërë projektesh të rrethojës së oborreve të shkollave dhe do të vazhdojmë tutje”, është shprehur kryetari Haliti.
Gjithashtu, kanë vizituar edhe ambientet e brendshme të shkollës, ku është bërë furnizimi me inventar të ri. /AlbanianEducation.net/.
