Lajm i mirë: Renovohet shkolla “Dardania” në Prishtinë – mësimi do të zhvillohet në dy ndërrime

Është renovuar shkolla “Dardania” në Prishtinë, dhe tashmë gjysmëvjetorin e dytë do ta zhvilloj në dy ndërrime, jo në tre sa ishte deri më tani, shkruan Albanianeducation.net.

Njoftimi i shkollës:

Është një kënaqësi e veçantë të njoftojmë përfundimin e renovimit të shkollës sonë.

Shprehim mirënjohjen tonë të thellë ndaj të gjithë atyre që kontribuan në realizimin e këtij projekti të rëndësishëm.

Veçanërisht falënderojmë nxënësit, prindërit dhe mësimdhënësit për durimin dhe mirëkuptimin e treguar gjatë gjithë procesit të renovimit.

Urime dhe suksese të gjithëve!