Nxënësit e fshatit Kçiq do ta kenë transportin pa pagesë nga data 8 Prill.
Kështu ka bërë të ditur drejtori i Inspektoriatit në Mitrovicë, Valon Brahimi.
Ai përmes një postimi në Facebook ka njoftuar se nxënësit kçiqas nga klasa 1-5 për lagjet e largëta të fshatit nga shkolla, do ta kenë transportin pa pagesë.
Brahimi tutje ka falenderuar qeverisjen komunale për të cilën ai cilëson që nuk i ka lënë qytetarët asnjëherë vetëm.
Postimi i plotë:
Një lajm i mirë për kçiqasit
Transport pa pagesë për nxënësit kçiqas!
Jam shumë i lumtur që nga 8 Prilli, krahas lagjeve të qytetit dhe lokaliteteve përreth,
Komuna e Mitrovices për herë të parë do të filloj me financimin e transportit për nxënësit kçiqas nga klasa 1-5 për lagjet e largëta nga shkolla brenda fshatit Kçiq i Madh! Kjo do të jetë një ndihmesë e madhe si për nxënësit ashtu edhe për prindërit e tyre. Me këtë rast shfrytëzoj rastin të falënderoj Qeverisjen komunale, kryetarin Hamza, nënkryetarin Tahiri, kryetari e KF Fatmir Salihu, dhe drejtoreshën E SHFMU ”Bislim Imeri” Ardita Brahimi për angazhimin e tyre të sinqertë!
Kjo është Qeveria komunale e Bedri Hamzës që kurr dhe në asnjë rast nuk e len qytetarin vetëm!
