Qeveria e Kosoves, përkatësisht Ministria e Financave dhe Transfereve nga viti i kaluar ka nisur së zbatuari pakon e mbështetjes ekonomike për nënat dhë fëmijët.
Aplikimi ka nisur nga shtatori i vititi të kaluar, derisa është paralajmëruar se nga janari i këtij viti mund të përfitojnë nga mbështetja financiare edhe fëmijët që kanë lindur në vitin 2018.
Kjo praktikë do të vazhdojë kësisoj ku çdo gjashtë muaj do të rritet mosha e fëmijëve përfitues.
“Lehonat që kanë qenë të papuna në 12 muajt e fundit do të mbështeten me 170 euro në muaj për 6 muaj radhazi, ndërsa lehonat që figurojnë të punësuara në ndonjërin prej muajve në 12 muajt e fundit, do të mbështeten me 170 euro në muaj për 3 muaj radhazi.
Për shtesat për fëmijët, mund të vazhdoni të aplikoni në eKosova:
– Të gjitha nënat që kanë lindur fëmijën në vitin 2020 apo 2021.
Nga 1 janari 2022, aplikimi është hapur edhe për fëmijët që kanë lindur në vitin 2018 e tutje, dhe njësoj do të zgjerohen grupmoshat e fëmijëve që përfitojnë, çdo 6 muaj, derisa të mbulohen të gjitha moshat nën 16 vjeç.
Për fëmijët 0-24 muaj, shtesat do të jenë 20 euro/muaj, kurse nga 24 muaj deri në 16 vjeç, nga 10 euro/muaj”, thuhet në njoftimin e ministrit Hekuran Murati.
Aplikimi mund të bëhet në këtë platformë, https://ekosova.rks-gov.net/ ndërkohoë që llogaria bankare duhet të jetë në emër të nënës
