Ministrja e Arsimit, Arbërie Nagavci, ka njoftuar se do të ndahen 100 bursa për nxënësit në vlerë 500 euro, shkruan AlbanianEducation.net.
Njoftimi:
100 BURSA për nxënësit e IAAP
📌Kam nënshkruar vendimin për nxënës të klasës së 10-të në drejtimet deficitare dhe për vajza në drejtime teknike në Institucionet e Arsimit dhe Aftësimit Profesional (IAAP).
📌Nga gjithsej 100 bursa, 70 do të ndahen për nxënësit në drejtimet deficitare dhe 30 për vajza në drejtimet teknike. Vlera e bursës është 500 euro për një vit shkollor.
📌Në drejtimet deficitare mund të aplikojnë të gjithë nxënësit e IAAP-ve kurse në drejtimet teknike vetëm vajzat.
✅ Drejtimet deficitare:
-Zhvillues i aplikacioneve softuerike;
-Teknik i sistemeve solare fotovoltaike;
-Pylltari;
-Agrobiznes;
-Automekanik;
-Asistent i turizmit dhe udhëtimeve;
-Përpunimi i drurit/Zdrukthtar.
✅Drejtimet teknike:
-Instalues elektrik;
-Instalues i ngrohjes, ujësjellësit dhe klimatizimit;
-Automekanik;
-Teknologjia e riciklimit;
-Teknik i dizajnit grafik.
✨Investimi në arsim është investimi më i rëndësishëm për të ardhmen e një vendi andaj ky përkushtim i ynë tregon se rininë e kemi në qendër të prioriteteve tona.
