Ministrja në detyrë e Arsimit, Arbërie Nagavci, ka njoftuar se 69 studentë të talentuar do të kenë mundësinë të ndjekin ëndrrat e tyre akademike jashtë vendit, duke u mbështetur me nga 7,000 euro secili për vitin akademik 2025/2026, shkruan AlbanianEducation.net.
Nagavci njofton ky është një hap tjetër i rëndësishëm drejt fuqizimit të rinisë sonë dhe investimit në të ardhmen e vendit.
Më poshtë gjeni emrat e studentëve që janë mbështetur me nga 7 mijë euro secili prej tyre.
Postimi i saj:
Lajm i mirë për studentët tanë që studiojnë në universitetet më të mira në botë
E lumtur të ndaj me ju lajmin e mirë se kemi publikuar vendimin për përfituesit e bursave të studimeve Master në Top 200 Universitetet më të mira në botë, sipas renditjes Times Higher Education 2025.
🎓 Këtë vit, 69 studentë të talentuar do të kenë mundësinë të ndjekin ëndrrat e tyre akademike jashtë vendit, duke u mbështetur me nga 7,000 euro secili për vitin akademik 2025/2026.
Ky është një hap tjetër i rëndësishëm drejt fuqizimit të rinisë sonë dhe investimit në të ardhmen e vendit.
Si Ministri e Arsimit dhe si Qeveri, mbetemi të përkushtuar të ofrojmë mbështetje të vazhdueshme dhe gjithëpërfshirëse për të gjithë studentët tanë.
