Punë e mirë po vazhdon të bëhet në shkollat e Prishtinës. Sot drejtoresha e Arsimit në Prishtinë, Jehona Lushaku-Sadriu, ka njoftuar se ka vizituar shkollën “Asim Vokshi” në Prishtinë, ku ka përfituar 456 dollapë të rinj, shkruan AlbanianEducation.net.
Lushaku, ka bërë të ditur se do të ndahen gjithsej 5600 dollapë për nxënësit e 9 shkollave fillore në Prishtinë.
Ajo thotë se si Drejtori Komunale e Arsimit po investojnë në cilësi të arsimit, dhe po krijojnë kushte më tëmira për nxënësit.
Postimi i plotë i drejtoreshës Lushaku-Sadriu:
5600 dollapë për nxënësit e nëntë shkollave fillore në Prishtinë
Sot vizitova shkollën “Asim Vokshi”, një nga institucionet që ka përfituar 456 dollapë të rinj, duke u siguruar nxënësve një hapësirë më të organizuar dhe praktike për ruajtjen e materialeve të tyre shkollore.
✅ Po investojmë në cilësinë e arsimit!
✅ Po krijojmë kushte më të mira për nxënësit tanë!
✅ Po ndërtojmë të ardhmen e tyre me veprime konkrete!
✅ Po përgatitemi për fazën e dytë të projektit të mësimit tërëditor!
Me këtë rast bashkë me kolektivin e shkollës ndamë momente me profesoreshën Ganimete Pllana e cila u pensionua sot. Mirënjohja për punën dhe kontributin e arsimtarëve është motiv për të vazhduar me punë të pandalur për fëmijët tanë. 💙📖
Arsimi cilësor nis nga kushtet e mira!
Perparim Rama
Kryeqyteti Prishtina
