Ministrja e Arsjmit, Arbërie Nagavci, bashkë me Ambasadorin e Hungarisë në Kosovë, Béla Bozsik, ka nënshkruar Memorandumin e Bashkëpunimit për bursat Stipendium Hungaricum 2024-2026 mes MASHTI-t dhe Ministrisë së Punëve të Jashtme të Hungarisë.
Nagavci thotë në kuadër të këtij programi, Hungaria do të ofrojë çdo vit 75 bursa Bachelor, Master, dhe PhD për studentët kosovarë që duan të studiojnë në universitetet hungareze në drejtimet Bujqësi, Shkenca Shoqërore, Shkenca Natyrore, Arte dhe Shkenca të Humanizmit, Art dhe Dizajn etj.
“Ky Memorandum riafirmon vazhdimësinë e bashkëpunimit të shkëlqyer me shtetin mik Hungarinë në rrafshin akademik.U jemi mirënjohës autoriteteve hungareze për mbështetjen, dhe studentëve tanë u urojmë suksese në rrugëtimin e tyre akademik!”, ka deklaruar Nagavci. /AlbanianEducation.net/.
