Ka vdekur profesori Skender Ahmetaj. Këtë e ka bërë të ditur Shoqata kosovare e Fizikës përmes një postimi në Facebook.
Njoftimi:
Me pikëllim të thellë sot morëm lajmin e hidhur se ndërroi jetë kolegu ynë Dr Skender Ahmetaj.
Është një humbje e madhe për komunitetin shkencor të fizikës si dhe për Universitetin e Prishtinës në të cilin për shumë vite punoi si asistent dhe profesor në FSHMN, departamenti i fizikës kurse në vitet e fundit në Fakultetin teknik.
Nga kolegët ishte shumë i respektuar si bashkëpuntor korrekt dhe shkencëtar i zoti që dha një kontribut domethënës në zhvillimin e fizikës moderne në Kosovë.
Ishte një profesor i zellshëm, punëtor dhe shumë i respektuar nga studentët e shumë gjeneratave të cilët u pajisen me dijeni dhe etikë nga ai.
Me veprimtarinë e tij akademike dhe universtare padyshim se bënte pjesë në elitën intelektuale të Kosovës
SHKF i shpreh ngushllime familjes dhe të afërme, profesorëve dhe asistentëve të FSHMN dhe Fakultetit teknik, gjeneratave të studentëve dhe të gjithë miqve të tij.
U prehsh në paqe kolegu dhe miku ynë i paharruar, Dr. Skender Ahmeti.
