Ministria e Arsimit, Shkencës, Teknologjisë dhe Inovacionit (MASHTI) është duke përgatitur një pako ligjore në të cilën parashihet licencimi i mësimdhënësve të Republikës së Kosovës.
Ministria e Arsimit, Shkencës dhe Inovacionit ka konfirmuar që është duke përgatitur një pako të ndryshimeve legjislative të cilat ndikojnë në cilësi të arsimit përkatësisht mësimdhënies dhe mësim nxënies.
Kryetari i SBASHK-ut, Rrahman Jasharaj ka treguar se qëndrimi i tyre është kundër testimit me shkrim të mësimdhënësve sepse sipas tij kësi lloj testimi nuk ka pasur as nuk do të këtë askund në botë.
“Në kemi vendimin e prerë të SBASHK-ut të cilin edhe e mbajmë, testim me shkrim te diturive të mësimdhënësve të Kosovës nuk ka pas as nuk do të këtë. Ne insistojmë që të shtohet kapacitetet të inspektoratit të arsimit dhe të dërgohen nëpër shkolla, për të parë nga afër punën që bëjnë punëtorët e arsimit”, ka thënë Jasharaj për Indeksonline, duke shtuar se do të ishte mirë të ketë vlerësim të përformances të punës së mësimdhënësve përmes inspektorëve, por kurrsesi test me shkrim.
Jasharaj gjithashtu theksojë se një vlerësim i tillë është degradues dhe nënçmues jo vetëm për arritjet e tyre profesionale por do të jetë nënçmim edhe për Fakultetin e Edukimit, ku sipas tyre kanë bërë pyetje mjaftueshëm.
Ai tha se nga MASHT-i presin që të mundësohet avancimi nga licenca e punës në licencë tjetër dhe të marrin grada të tjera dhe kjo lëvizja në gradë të jetë në mënyrë vullnetare.
