Gjesti i rrallë human në një shkollë në Turqi
Fotot e një mësueseje e cila çorapet e saja ia veshi një nxënëseje, pasi vuri re se ajo i kishte të lagështa, tërhoqën shumë vëmendjen e publikut në Turqi dhe më gjerë.
Një nxënëse e klasës së katërt në shkollën fillore “Ataturk” në qytetin turk Aksarayu erdhi në shkollë me këpucë të grisura, sipas mësueses Hafife Tuzun.
Dhe, pasi kjo shkoi në vesh të drejtorit të shkollës Recep Celen, vajzës iu blenë këpucë të reja.
Mirëpo, kur mësuesja Tuzun vërejti se vajza i kishte dhe çorapet e lagura për shkak të këpucëve të saj të rrënuara, ajo heqi ta sajat dhe ia veshi nxënëses, e cila më pas mbathi dhe këpucët e reja.
Drejtori i shkollës Celen tha se çdo mëngjes i mirëpresin fëmijët në hyrje të shkollës dhe se kontrollojnë me kujdes sidomos gjendjen e këpucëve, për të shmangur pasojat negative për shëndetin e fëmijëve.
“Tek 25 fëmijë vumë re se këpucët nuk ishin të përshtatshme, ndaj u blemë të reja. Në atë moment pashë që mësuesja Hafife Tuzun po i ndërronte një nxënëseje dhe çorapet, duke i veshur të sajat. Më bëri shumë përshtypje. E fiksova këtë moment, që në fakt mësuesja nuk e dinte dhe, pas lejes së saj, i postova në rrjetet sociale”, tha drejtori i shkollës.
