Gazeta prestigjoze zvicerane “Neu Zurcher Zeitung”, tre vite më parë kishte publikuar një shkrim rreth gjendjes së arsimit në Repbulikën e Kosovës.
“Shkollat më të këqija në Evropë”, ishte titulli i këtij shkrimi të gazetës zvicerane kushtuar arsimit në Kosovë.
Sipas shkrimit tërë kjo vjen si pasojë e elitës politike kosovare dhe politizimi të personalit nëpër shkolla.
Në letër, e ardhmja duket premtuese. Që nga fillimi i vitit shkollor, të gjitha shkollat fillore në Kosovë kanë miratuar një plan program të ri modern.
Ai përdoret gjithashtu diku tjetër në Evropë. Por realiteti është më ndryshe: librat shkollorë të cilëve u referohet ky plan program ende nuk janë botuar dhe shtypur.
Duke marrë përbazë studimin e Pisas të Organizatës për Bashkëpunim Ekonomik dhe Zhvillim si pikë referimi, Kosova ka shkollat më të këqija në Evropë.
Në lexim, në matematikë ose në shkencat natyrore, në të gjitha disiplinat, nxënësit kosovarë kanë dalë më keq se sa të gjitha shkollat në pjesën tjetër të Evropës.
Ka ende shkolla ku fëmijët duhet të mësojnë në ndërrime sepse nuk ka hapësirë të mjaftueshme për shkollë.
Infrastruktura shkollore është përmirësuar ndjeshëm që nga përfundimi i Luftës së Kosovës në vitin 1999 – falë mbështetjes financiare ndërkombëtare, shkollat janë rehabilituar ose rindërtuar.
