Një mësues shembull nuk është vetëm ai që jep mësim, por ai që lë gjurmë në zemrat e nxënësve.
I tillë është mësuesi Kujtim Berisha, nga shkolla “Ardhmëria” Ramoc.
Ai është shembull i përkushtimit, durimit dhe dashurisë për dijen. Çdo ditë hyn në klasë me buzëqeshje dhe me dëshirën për të dhënë më të mirën nga vetja.
Për të, mësimdhënia nuk është vetëm profesion, por mision. Ai nuk edukon vetëm me libra, por me sjellje, me fjalë të mira dhe me shembull personal.
Nxënësit e tij ndihen të vlerësuar dhe të motivuar, sepse ai di t’i dëgjojë, t’i kuptojë dhe t’i udhëzojë në rrugën e duhur. Me qetësinë dhe urtësinë e tij, ai krijon një ambient ku respektohet dija dhe rritet besimi në vetvete.
Një mësues i tillë është pasuri për shkollën, krenari për kolegët dhe frymëzim për brezat që vijnë. Emra si Kujtim Berisha dëshmojnë se shkolla ka të ardhme të ndritur kur ka mësues që punojnë me zemër. /AlbanianEducation.net/.
