Jo vetëm mësues, por edhe koordinator. Ky është roli më i ri që do të marrin 640 mësues në arsimin parauniveristar në të gjithë vendin.
Duke filluar nga muaji tetor çdo shkollë 9-vjeçare dhe të mesme do të ketë dy koordinatorë, raporton A2.
Njëri do të ketë funksionin e orientimit të karrierës së nxënësve, ndërsa koordinatori tjetër do të bëjë vlerësimin e cilësisë në shkolla.
Puna e tij do të jetë e ndryshme nga ajo e drejtorit të shkollës apo e mësuesit kujdestar.
Por përse duhen koordinatorët në një kohë kur arsimi parauniversitar po vuan mungesën e mësuesve në shkolla?
Koordinatorët e shkollave do të kenë një mandat 3-vjeçar. Gjatë ushtrimit të kësaj detyre, ata do të lehtësohen nga ngarkesa e orëve në mësimdhënie, shkruan A2.
Orët e mësuesve koordinatorë do të plotësohen nga mësues të tjerë. Aplikimet për koordinatorët në shkolla janë mbyllur. A2 CNN ka mësuar se lista e fituesve pritet të shpallet në fillim të tetorit. Ndërkohë paga e një koordinatori do të jetë e njëjtë më atë të mësuesi. (A2 Televizion)
