Në shkollën fillore “Asdreni” në Pejë është përuruar sot dhoma e mjekut, e cila do të ofrojë shërbime stomatologjike dhe pediatrike për nxënësit, shkruan AlbanianEducation.net.
Përurimi i kësaj dhome është një hap i rëndësishëm për krijimin e një mjedisi më të sigurt për nxënësit e kësaj shkolle.
Njoftimi i plotë:
Përurimi i dhomës së mjekut në shkollën tonë
Me një ceremoni modeste , u përurua dhoma e mjekut, e cila do të ofrojë shërbime stomatologjike dhe pediatrike për nxënësit tanë.
Kjo hapësirë është një aset i rëndësishëm për kujdesin shëndetësor të fëmijëve dhe një dëshmi e bashkëpunimit të shkollës me komunitetin e prindërve dhe institucioneve.
Falënderim i veçantë për Komunën e Pejës, që përkrahu këtë iniciativë, prindërve donatorë si dhe drejtoreshës së shkollës, znj. Agime Lajqi, e cila me përkushtim dhe angazhim të palodhshëm e çoi përpara idenë deri në realizimin e saj të plotë.
Në ceremoninë e përurimit morën pjesë z. Gazmend Muhaxheri, Kryetar i Pejës, z. Naser Gega, Drejtor i Arsimi, z. Petrit Loci, Drejtor i Shëndetësisë, prindër dhe fëmijët të cilët me praninë e tyre simbolizuan përfituesit kryesorë të këtij projekti.
Përurimi i kësaj dhome është një hap i rëndësishëm për krijimin e një mjedisi më të sigurt për fëmijët tanë.
