Maskat do të jenë të obligueshme në shkollat e mesme të Anglisë për të frenuar përhapjen e variantit Omicron të COVID-19, tha të dielën Sekretari i Arsimit Nadhim Zahawi.
“Një nga masat shtesë, të përkohshme që do të ndihmojnë në arritjen e kësaj në ndaljen e rritjes së omicron është rekomandimi i përdorimit të maskave në klasat e shkollave të mesme dhe hapësirat e mësimdhënies për javët në vijim”, u shpreh Zahawi.
Anglia ishte i vetmi nga katër vendet e Mbretërisë së Bashkuar ku vendosja e maskës nuk rekomandohej në klasë, shkruan Reuters, transmeton Klankosova.tv.
Me numrat ditorë të infeksioneve në nivele rekord dhe njerëzit që rezultojnë pozitivë u kërkohet të izolohen për të paktën shtatë ditë, shkollat dhe shërbimet e tjera publike po përballen me ndërprerje nga mungesa e stafit.
Qeveria u ka kërkuar menaxherëve të sektorit publik që të përgatiten për një skenar të rastit më të keq prej 25% të stafit që mungon në javët në vijim.
Zahawi tha se një mësim në distancë do të ishte i nevojshëm duke pasur parasysh numrin e nxënësve dhe mësuesve që do të duhej të izoloheshin.
Por ai shtoi se mësimi në prezencë do të vazhdojë, dhe se provimet do të zhvillohen siç është planifikuar këtë muaj.
