Kryetari i Komunës së Vitisë, Sokol Haliti së bashku me drejtoreshën e Arsimit, Arta Ajeti, kanë pritur sot në takim përfaqësues të Sindikatë së Bashkuar të Arsimit, Shkencës dhe Kulturës të Kosovës (SBASHK), në krye me Rrahman Jasharin, shkruan Albanianaeducation.net.
Gjatë ata kanë bashkëbiseduar rreth çështjeve që kanë të bëjnë me fushën e arsimit.
Kryetari Haliti në këtë takim e falënderoj Jasharin dhe SBASHK-un për kontributin që po japin në arsim, duke potencuar dhe punën e qeverisjes lokale në Viti, me qëllim të rritjes së vazhdueshme të cilësisë për mësimdhënësit dhe nxënësit vitias.
Në këtë takim u bisedua edhe për stërgjatjen e projektit të objektit të ri shkollor në Pozheran si shqetësim për këtë komunë.
Përndryshe në këtë takim i pranishëm ishte edhe përfaqësuesi i SBASHK-ut për Viti, Kemajl Bislimi me bashkëpunëtor.
