Një lajm i dhimbshëm sot për arsimin në Viti, por edhe mbarë Kosovën. Mësimdhënësja Arieta Rexhepi ka vdekur sot në moshë të re.
Kryetari i Vitisë, Sokol Haliti,ka ngushëlluar familjen Rexhepi e Maliqi si dhe nxënësit me rastin e vdekjes së mësueses Arieta.
Ai ka thënë se Arieta do të mbetet gjithmonë në mendjen dhe zemrën e tyre për kontributin e saj profesional në fushën e arsimimit të nxënësve të shumtë, shkruan AlbanianEducation.net.
Postimi i Halitit:
Të nderuara familje Rexhepi dhe Maliqi
Të nderuar mësimdhënës dhe nxënës!
Sot në emër të komunës së Vitisë, por edhe në emrin tim personal dua të shpreh ngushëllimet tona më të sinqerta për largimin e papritur nga kjo botë të mësimdhënëses së çmuar Arieta Rexhepi-Maliqi.
Në këto çaste të vështira të pikëllimit ne pos ngushëllimit bashkëndjejmë me familjen dhe miqtë.
Arieta do të mbetet gjithmonë në mendjen dhe zemrën tonë për kontributin e saj profesional në fushën e arsimimit të nxënësve të shumtë.
Puna e saj e bërë me dashuri me secilin nxënës, profesionalizmi i saj në arsim dhe sjelljet e mira do të mbesin kujtimi më i bukur për ata që e njohën Arietën.
Ngushëllime familjes, personelit arsimor, nxënësve dhe të gjithë atyre që e njohën!
