Krijuesja e vaksinës Oxford-AstraZeneca: Covid-19 do të kthehet në ftohje të zakonshme

Dame Sarah Gilbert, krijuesja e vaksinës Oxford-AstraZeneca, ka deklraruar se me shumë mundësi Covid-19 do të kthehet në një ftohje të zakonshme.

Gjatë seminarit në “Royal Society of Medicine”, ajo tha se viruset kanë tendencën të bëhen më pak virulente gjatë kohës që qarkullojnë dhe për këtë arsye nuk ka asnjë arsye që do të ketë një variant më të rëndë të Sars-CoV-2.

Gilbert zbuloi se po bën përpjekje për të siguruar fonde për të marrë masa në parandalimin e pandemive të ardhshme dhe tha se duhen investime urgjente për të parandaluar përhapjen e sëmundjeve tjera infektive.