Kryetari i Ferizajt, Agim Aliu, ka pritur këngëtaren e talentuar për fëmijë Daorsa Sopa.
Ai i ka premtuar përkrahje Daorsës, që ajo të arrijë majat e skenës botërore të muzikë, shkruan Kids of Kosova.
Kujtojmë se Daorsa ka nisur nga diela e kaluar një emision në Kids of Kosova që quhet e “Diela me Daorsën”.
Postimi i kryetarit Aliu:
Nga më të këndshmet pritje që i bëra në zyrë, ishte kjo që bëra sot, ku prita 11 vjeçaren sukseseplotë, të talentuarën dhe pasionuarën e muzikës së mirëfilltë shqipe, Daorsa Sopa.
Daorsa flet tri gjuhë të huaja dhe suksesi i saj në muzikë deri tash ka kulmuar me çmime të shumta ndërkombëtare e rajonale, si ato në Kroaci, Slloveni, Shqipëri, Mali i Zi, Serbi e ku dinjitetshëm mban epitetin e top 5 fëmijëve më të suksesshëm në Ballkan në lëmin e muzikës.
Sukseseplotë e ëndrrimtare, ajo synon majat e skenës botërore të muzikës si soprane, mbështetje të cilën përveç prindërve, pa kursim do t’ia japim edhe ne.
