Një i ri nga Kamza është vlerësuar me titullin “Youth Albania Lider” për angazhimin dhe kontributin e tij në përfaqësimin e të rinjve në aktivitete dhe institucione rinore.
Bëhet fjalë për Krenar Sokol Dungën, i cili prej vitesh është aktiv në iniciativa që lidhen me arsimin, organizimin rinor dhe përfaqësimin e nxënësve në nivel lokal dhe kombëtar, shkruan AlbanianEducation.net.
Ai mban titullin “Qytetar Nderi” i Bashkisë Kamëz, ndërsa ka ushtruar edhe detyrën e Ministrit të Shkencave në Parlamentin e Nxënësve të Shqipërisë.
Po ashtu, Dunga ka qenë President i Këshillit të Nxënësve dhe Klubeve Lokale për Kamzën, si dhe përfaqësues i zërit të të rinjve të qytetit në institucionet e arsimit.
Vlerësimi “Youth Albania Lider” është dhënë në shenjë mirënjohjeje për kontributin e tij në fuqizimin e rinisë dhe promovimin e pjesëmarrjes aktive të të rinjve në jetën shoqërore dhe arsimore.
