Se kosovarët janë të talentuar në muzikë tashmë kjo është dëshmuar. Së fundmi 16 vjeçarja, Argjenda Aliu është bërë pjesë e “The Voice of Finland”.
Ajo interpretoi mahnitshëm këngën ‘Yours’ të këngëtares së njohur, Ella Henderson, me ç’rast ajo ka bërë që të gjithë anëtarët e jurisë të kthejnë karriget e tyre e të jenë të habitur pas zërit të mrekullueshëm të saj që vazhdimisht pushtonte skenën. Ata në fund edhe u ngritën në këmbë duke duartrokitur këngëtaren e vogël.
Së bashku me skenën, ajo arriti edhe të kaplonte zemrat e publikut, duartrokitjet e së cilëve dëgjoheshin furishëm në transmetimin e sotshëm në “The Voice of Finland”.
Ndërsa, lajmin për të e ka bërë të ditur mësuesja e saj, Teuta Kurti.
“E lumtur e lumtur e lumtur Argjenda bëre që të kthehen të gjithë pjestarët e jurisë, kemi rrugë të gjatë për të bërë. Të dua“, ka shkruar Kurti në rrjetet sociale.
