Kosovare Lladrovci ka diplomuar në universitetin ndër më të mirët në botë për biznes dhe ekonomi, EAE Business School – Barcelonë, shkruan AlbanianEducation.net.
Njoftimin e ka dhënë Ramiz Lladrovci i cili ka publikuar edhe foto nga ceremonia.
Postimi nga Lladrovci:
Sot, me Shemën, Drilonin, Elenën, Arlën, Lekën dhe Sierën, morëm pjesë në ceremoninë e gradimit master, të organizuar në universitetin ndër më të mirët në botë për biznes dhe ekonomi, EAE Business School – Barcelonë, ku Kosovarja është bursiste e Bashkimit Evropian, zyrtare e BQK-së.
Këtë sukses, Kosovarja ia dedikon heroit e heroinës, Fehës e Xhevës, Babës Tush dhe Nënës Ki, të cilët nuk janë në këtë botë që t’i gëzohen kësaj dite të paharrueshme për familjen tonë.
Angazhimi i Kosovares në studime ka qenë i vazhdueshëm dhe sot përkushtimi i saj po kurorëzohet me diplomë të masterit. Ne, të gjithë jemi me emocione, në veçanti bija ime, e cila në familje sjell shumë lumturi dhe gëzim.
Suksese të mëtejme Kosovare. Dijet e fituara këtu qofshin rrugë e suksesit për ty, për vendin ku punon dhe më gjerë. Të duam shumë!
