Ministrja e Arsimit, Arbërie Nagavci, ka njoftuar se për herë të parë kanë adresuar parandalimin e konfliktit të interesit në Ministrinë e Arsimit, Shkencës, Teknologjisë dhe Inovacionit.
Ajo thotë se Rregullorja është në diskutim deri më datë 27 korrik.
Njoftimi i saj:
Rregullore e brendshme për parandalimin e konfliktit të interesit në MAShTI
Për herë të parë kemi adresuar parandalimin e konfliktit të interesit në Ministrinë e Arsimit, Shkencës, Teknologjisë dhe Inovacionit.
Me qëllim të vendosjes së rregullave të brendshme për parandalimin e konfliktit të interesit në MAShTI dhe në institucionet vartëse, kemi hartuar Draftin e Rregullores së Brendshme për Parandalimin e Konfliktit të Interesit. Ky dokument është hartuar në konsultim të ngushtë me Agjencinë Kundër Korrupsionit.
Ndër të tjera, Draft-Rregullorja e brendshme për parandalimin e konfliktit të interesit parasheh:
?Obligimin për parandalimin dhe zgjidhjen e konfliktit të interesit brenda MASHTI;
?Trajtimin e konfliktit të interesit nga autoriteti përgjegjës;
? Veprimet e ndaluara për zyrtarin e MASHTI-t;
? Angazhimi në punë jashtë institucionit;
? Obligimi, përgjegjësitë për parandalimin dhe zgjidhjen e konfliktit të interesit;
? Identifikimi dhe raportimi i konfliktit të interesit në MASHTI;
? Mënyrat e trajtimit dhe zgjidhjes së konfliktit të interesit dhe;
? Sanksionet në rastet e konfliktit të interesit.
Draft rregullorja është në diskutim publik deri më datë 27 korrik andaj ju ftoj t’i adresoni komentet tuaja në linkun më poshtë: LINKU
