Kompania më e madhe vendore LIRI në muajin shtator me rastin e fillimit të vitit të ri shkollor është përkujdesur t’i gëzojë edhe nxënësit me nevoja të veçanta.
Kompania LIRI ju ka dërguar dhurata edhe nxënësve të verbër në Qendrën Burimore për Mësim dhe Këshillim “Xheladin Deda”, në Pejë, konkretisht fletore, çanta për lapsa si dhe biskota Sempre.
Drejtori i shkollës Xhavit Krasniqi ka falënderuar kompaninë LIRI që këtë fillimvit shkollor është kujdesur që t’i gëzojë edhe nxënësit e shkollës që udhëheq.
“Shumë faleminderit kompanisë LIRI dhe juve si media që me rastin e vitit të ri shkollor jeni kujtuar që sadopak t’i gëzoni edhe nxënësit tonë”, ka thënë drejtori Krasniqi për AlbanianEducation.net.
AlbanianEducation e falënderon drejtorin për mikëpritjen.
LIRI ka dërguar dhurata për fillimin e vitit të ri shkollor edhe në disa shkolla të vendit ku ka dhuruar mbi 5 mijë dhurata.
AlbanianEducation.net e falënderon kompaninë LIRI që po i gëzon nxënësit e Kosovës duke u dhuruar dhurata
*Fotot e nxënësve publikohen me leje të prindërve dhe Drejtorisë të shkollës.
