E premte, 19 Prill, 2024

Kjo recetë ju ndihmon të humbni 4 kilogramë në një kohë të shkurtër

- Advertisement1-

Në rrjete sociale çdo ditë dalin ide të reja për regjime ushqimore që premtojnë rënien nga pesha. Shumica e tyre janë tepër drastike dhe pengojnë organizmin të marrë ushqyesit që i nevojiten. Ka regjime të tjera që janë më plotësuese në aspekt ushqyesish dhe mbështeten gjerësisht nga njerëzit që i kanë provuar ato me sukses.

I tillë është rasti i supës me lakër.

- Advertisement -

Së pari, duhet të dini që kjo supë funksionon për rënien afat-shkurtër nga pesha. Ky regjim ka të bëjë me përgatitjen e supës me bazë lakre dhe me perime të tjera dhe ngrënien e dy deri në tre racione të saj gjatë ditës. Përveç supës, ju mund të konsumoni edhe fruta apo mish. Ky regjim duhet mbajtur për shtatë ditë dhe mundëson humbjen e të paktën katër kilogramëve.

Ushqime të tjera që mund t’i konsumoni gjatë dietës:

- Advertisement -

Në ditën e parë mund të hani çdo frut, përveç bananes.

Në ditën e dytë mund të hani edhe barishte, por jo fruta.

Në ditën e tretë mund të hani fruta dhe perime të larmishme.

- Advertisement -

Në ditën e katërt mund të hani banane dhe qumësht të skremuar.

Në ditën e pestë, supën mund ta shoqëroni edhe me mishi viçi, mish pule dhe domate.

Në ditën e gjashtë, krahas supës mund të hani edhe mish viçi dhe perime.

Në ditën e shtatë, veç supës mund të konsumoni edhe orizin kaf, frutat dhe perimet.

Disavantazhet e dietës së supës me lakër:

Kjo dietë është ndjekur nga shumë njerëz që në vitet 80. Megjithatë, duhet të dini që kjo dietë ofron pak karbohidrate. Kjo nënkupton se diabetikët do ta kenë të vështirë të ruajnë nivelet e duhura të sheqerit në gjak. Në varësi të mënyrës së përdorimit, kjo supë mund të ketë edhe shumë kripë.

Siç e thamë edhe më lart, rezultatet e dietës janë afatshkurtra, që do të thotë se pas saj, ju duhet të kujdeseni më fort për peshën.

Një ide për supën me lakër:

Receta e rekomanduar nga Agroweb.org shpjegon një mënyrë të thjeshtë, por shumë të pasur në vlera për përgatitjen e supës.

Për këtë supë ju nevojiten:

– 1 lakër e vogël e grirë hollë
– 2 qepë të mëdha
– Një kavanoz me salcë domatesh të prera në copa.
– 2 speca jeshilë të pastruar nga farat dhe të prera.
– 4 kërcenj selinoje  të prera hollë,
– 6 karota të qëruara dhe të prera hollë,
– Kripë, piper, majdanoz, kopër, trumzë dhe sherebelë,
– Pak lëng limoni ose uthull balsamike dhe barishte qepësh të grira hollë për servirje.

Hidhini të gjithë përbërësit në një tenxhere me ujë dhe kur uji të ketë marrë valë lërini të ziejnë në temperaturë mesatare deri sa perimet të zbuten. Më pas, supën pasurojeni me uthull balsamike apo lëng limoni, erëza të freskëta dhe barishte qepësh të prera hollë./AgroWeb.org

Share

Të fundit

Të tjera nga kategoria

Rrëfimi prekës i mësueses nga Vlora që është e prekur me kancer

Tetori është muaji i ndërgjegjësimit ndaj kanc erit të gjirit dhe të shumta kanë...

Kujdes prindër | Rritet numri i fëmijëve me COVID-19, pediatrja: Kemi kërkuar staf mbështetës

Rritja e rasteve me COVID-19 ditëve të fundit ka bërë që edhe numri i...

Mjekët e Kosovës sytë kah Gjermania, vazhdon ikja masive e tyre

Kosova rrezikon të mbetët pa mjekë nëse trendi i ikjes nga Kosova vazhdon me...

Infektologu kosovar: Kosova rrezikohet nga Lija e Majmunëve, s’ka vaksinë për këtë sëmundje

Infektologu, Hamdi Ramadani ka thënë se lija e majmunëve pritet të përhapet edhe në...