Një 2-vjeçare me aftësi të veçanta në Kanada, është bërë një modele mode për fëmijë.
Eleanor Manton, do të shfaqet në katalogun e vjeshtë-dimrit 2020 të firmës së veshjeve për fëmijë “JoJo Maman Bebe”.
Në lidhje me këtë arritje të vajzës, ka reaguar nëna e saj, Helen, e cila e quan të gjithë këtë si gjithçka mbresëlënëse.
“Kur pashë imazhet e para fillova të ndihesha krenare për time bijë. Mora një email nga “JoJo” dhe më thanë nëse do të doja që vajza ime të ishte imazhi i tyre në fushatën e vjeshtë-dimrit 2020. Unë isha pak e hutuar, gjithashtu e mbushur me gëzim, e gjitha kjo m’u duk e mahnitshme. Disa ditë më vonë në shtëpi mbërritën disa veshje shumë të bukura të firmës dhe ne nisëm fotografitë”, u shpreh nëna.
Më tej ajo shtoi:
“Në fakt fëmijët apo dhe personat me aftësi të veçanta në tërësi, duhet të përfshihen më shumë në mediat kryesore. Sa më shumë njerëz si Eleonora ime në modë e më gjerë, aq më mirë do të jetë”.
