KFOR-i turk dhuron çanta për nxënësit e shkollës “Mustafa Bakiu” në Prizren

KFOR-i turk në fillim të vitit të ri shkollor ka dhuruar çanta për nxënësit e shkollës “Mustafa Bakiu” në Prizren, shkruan AlbanianEducation.net.

Njoftimi i shkollës:

KFOR-i Turk ka vazhduar me ndihma për shkollën tonë. Kësaj radhe ushtarët e shtetit turk me mison në Kosovë nxënësve tanë u kanë dhuruar çanta për këtë fillim të vitit shkollor.

Delegacioni i KFOR-it Turk është pritur nga drejtoresha e shkollës, znj. Behare Kryeziu, e cila në emër të fëmijëve dhe prindërve të tyre ka falënderuar për këto ndihma dhe për ndihmat e vazhdueshme që jep KFOR-i dhe shteti i Turqisë.