Ju ndoshta nuk jeni në gjendje të parashikoni të ardhmen, por ekspertët e të dhënave mund t’ju tregojnë punën e duhur që duhet të zgjidhni për një të ardhme të suksesshme.
Duke përdorur të dhënat e Qendrës së Statistikave të Punës, Kiplinger dhe grupi i parashikimit ekonomik EMSI analizuan 785 punë të njohura në SHBA.
Nga kjo listë, Kiplinger llogariti se cilat profesione do të kenë ritmet më të forta dhe më të dobëta gjatë 10 viteve të ardhshme (ndërmjet 2016 dhe 2026), sa do të paguajnë ato vende pune dhe sa arsim do të kërkojnë. Këto janë 10 punët më të mira dhe më të këqija për dekadën e ardhshme sipas Kiplinger.
10 Punët më të mira për të ardhmen:
-Zhvillues aplikacionesh
-Analist i sistemeve kompjuterike
-Infermier
-Fizioterapist
-Menaxher i shërbimeve shëndetësore
-Ndihmës mjek
-Dentist higjene
-Analist i hulumtimit të tregut
-Këshilltar financiar personal
-Patolog i gjuhës së folur
Në lidhje me 10 vendet më të mira të punës, Kiplinger mori në konsideratë dy kualifikimet e mëposhtme: Përveç pagës së mirë, puna do të ketë një pengesë të menaxhueshme për hyrjen. Muhlbaum tha për CNBC se profesioni i doktorit nuk arriti të ishte pjesë e listës, sepse është një profesion që kërkon një kohë të gjatë dhe një sasi të madhe parash për t’u përgatitur për këtë fushë.
10 punët më të këqija për të ardhmen:
-Punëtor makinerie
-Përpunues fotosh
-Lustrues mobiljesh
-Prezantues radiofonik ose televiziv
-Dizajner lulesh
-Arkëtar i lojrave
-Politikan
-Operator i makinerive të metalit dhe plastikës
-Shitësi derë më derë
-Punonjës i lidhjeve dhe printimit
Kriteri kryesor që Kiplinger mori në konsideratë për punën më të keqe ishte se profesioni duhej të punësonte të paktën 20,000 njerëz. Jo rastësisht, Muhlbaum thekson se shumë prej këtyre punëve përfshijnë punë me dorë dhe punë artizanale që përfundimisht do të bëhen të automatizuara.
