Ministrja Arbërie Nagavci ka njoftuar se ka nënshkruar vendimin për përfituesit e bursave të nivelit master në top 150 universitetet më të mira në botë sipas listës Shanghai 2023.
Nagavci ka thënë se këtë vit janë 13 përfitues të cilët do të mbështeten me nga 7 mijë euro, shkruan AlbanianEducation.net.
Njoftimi:
Kam nënshkruar vendimin për përfituesit e bursave të nivelit master në top 150 universitetet më të mira në botë sipas listës Shanghai 2023. Këtë vit kemi 13 përfitues të cilët do të mbështeten me nga 7 mijë euro.
Ky është viti i tretë me radhë që po mbështesim të rinjtë tanë që studiojnë në universitetet më prestigjioze në botë.
Presim që aftësitë dhe njohuritë e fituara, t’i kthejnë edhe në të mirë të arsimit e të Kosovës. Për studentët tanë më shumë përkrahje e më shumë mundësi. Suksese!
