Komuna e Junikut ka publikuar emrat e 102 studentëve që kanë fituar burstat.
Studentët Junikas, përfituesit e bursave komunale do të nënshkruajnë kontratat e tyre më 24 dhjetor në ora 14:00, shkruan AlbanianEducation.net.
Njoftimi:
Të nderuar studentë,
Është kënaqësi të ju njoftojmë në ngjarjen e veçantë që do të mbahet më datë 24.12.2024, në Sallën e Asamblesë komunale do të jetë një ditë e veçantë. Studentët Junikas, përfituesit e bursave komunale do të nënshkruajnë kontratat e tyre. Ky proces do të fillojë në orën 14:00 dhe do të jetë një moment që simbolizon përkushtimin tuaj ndaj dijes dhe përparimit akademik.
Kryetari i komunës së Junikut, z. Ruzhdi Shehu, do të jetë aty për të ndarë këtë moment të rëndësishëm me ju, duke dëshmuar përkushtimin e tij ndaj mbështetjes së arsimit dhe zhvillimit të të rinjve të qytetit tonë.
Ky është një hap i rëndësishëm në rrugëtimin tuaj arsimor, dhe ne ju lusim të respektoni orarin e përcaktuar për këtë ceremoni të veçantë.
Me respekt, ne ju presim në këtë eveniment të rëndësishëm.
