Këshilli i Prindërve të Kosovës ka thënë se nëse të hënën e ardhshme nuk fillon mësimi në gjithë vendin, do të kërkojnë çregjistrim të nxënësve nga shkollat.
Në këtë rast, sipas Këshillit të Prindërve sistemi arsimor do të kolapsojë.
“Nuk do të ketë më nevojë as për shkolla, as për mësimdhënës e as për institucione arsimore!”, thuhet në reagimin e tyre në Facebook.
Në fund, është bërë thirrje që të hapen shkollat, duke paralajmëruar në të kundërtën edhe protesta.
Reagimi i plotë i Këshillit të Prindërve:
SHKURT E SHQIP‼️
Nëse më 3 tetor nuk fillon mësimi në gjithë Kosovën, do të kërkojmë çregjistrim masiv nga shkollat dhe sistemi arsimor do të kolapsojë. Nuk do të ketë më nevojë as për shkolla, as për mësimdhënës e as për institucione arsimore!
Është e lehtë të prishësh, është kollaj të bllokosh, është e padrejtë greva në arsim!
HAPINI SHKOLLAT‼️
Kjo thirrje nuk i përjashton edhe format e tjera të shprehjes së pakënaqësisë: protesta, marshe, hyrje në shkolla!
